វិធីសាស្ត្រ ៤យ៉ាង ដើម្បីឲ្យកម្មវិធីរុករករបស់អ្នកដំណើរការលឿន
កម្មវិធីរុករកដែលពេញនិយមជាងគេ មានដូចជា ៖ Google Chrome, Firefox, Internet Explorer ជាដើម។ កម្មវិធីរុករកទាំងនោះ មិនថាជា កម្មវិធីរុករកមួយណាទេ បើអ្នកមិនចេះពីគន្លឹះពន្លឿនល្បឿនរបស់វាទេ នោះវានឹងដំណើរការ ស្ពឹកដែលនាំលោកអ្នកឲ្យពិបាកក្នុងការធ្វើកិច្ចការដែលលោកអ្នកត្រូវបំពេញណាស់។ ជាបន្តមកនេះ ខ្ញុំសូមបង្ហាញជូននូវវិធីសាស្ត្រ ៤យ៉ាង ដើម្បីធ្វើឲ្យកម្មវិធីរុករករបស់អ្នក មានដំណើរការកាន់តែប្រសើរមួយកម្រិតថែមទៀត។ :D
1- សម្អាតចោលនូវប្រវត្តិបណ្ដាញនានា ៖
នេះជាមូលហេតុចម្បងដែលធ្វើឲ្យកម្មវិធីរុករកជួបបញ្ហា។ ដូចនេះដំណោះស្រាយតែមួយគត់ គឺអ្នកត្រូវរុករើ ដោយលុបវាចោលទាំងអស់ ព្រោះថាវាប្រៀបបានទៅនឹងខួរក្បាលយើងដែលព្យាយាមចងចាំគ្រប់រឿងរ៉ាវ ដែលខួរក្បាលណាផ្ទុករឿងរ៉ាវច្រើនតែងតែមានការគិតមិនសូវរហ័ស។ :D
2- បិទកម្មវិធីបន្ថែម និងកម្មវិធីជំនួយផ្សេងៗចោល ៖
មានមនុស្សមួយចំនួនធំ (មិនមែនទាំងអស់) បានប្រើប្រាស់កម្មវិធីបន្ថែមរបស់ កម្មវីធីរុករក។ តើកម្មវិធីបន្ថែម របស់កម្មវិធីរុករកជាអ្វីទៅ? ដើម្បីឲ្យងាយយល់អំពីកម្មវិធីបន្ថែមនេះ ខ្ញុំសូមលើកយកឧទាហរណ៍មួយ។ ឧទាហរណ៍ ខ្ញុំចង់ចម្លងកូដចេញពីប្លុកណាមួយ ឬមើលកូដគេឲ្យបានរហ័ស និងងាយស្រួល ដូចនេះ ខ្ញុំត្រូវតម្លើងកម្មវិធីជំនួយមួយនៅលើ កម្មវិធីរុកដែលមានឈ្មោះថា Firebug។
3- មិនបើកច្រើន Tab ៖
ការបើកច្រើន Tab នៅលើកម្មវិធីរុករកក៏ជាមូលហេតុបង្កឲ្យវាដំណើរការយឺតយ៉ាវដែរ។ ដូចនេះ បើអ្នកចង់ ធ្វើកិច្ចការច្រើន គួរបើកវា ជាលក្ខណៈ New Window វិញទើបជាការប្រសើរ។ នៅក្នុង Google Chrome អ្នកគ្រាន់តែចុច ក្ដារផ្លូវកាត់ Shift+Ctrl+N។ ហើយបើក្នុង Firefox ចុចក្ដារផ្លូវកាត់ Ctrl+Shift+P។
4- ការបើកផ្ទាំងតិច ៖
នៅក្នុងកម្មវិធីរុករកមិនថាមួយណា ឬមួយណាទេ អ្នកគួរបើផ្ទាំង Tab តិចនៅពេលដែលអ្នកចាប់ផ្ដើមដំបូង ហើយរុករកអាស័យដ្ឋានគេហទំព័រណាមួយដែលមានដំណើរការលឿន មួយស្រប់សិន (បើសម្រាប់ខ្ញុំ Google.com មានដំណើរការលឿន)។ នេះជាវិធីសាស្ត្រចុងក្រោយ និងសាមញ្ញជាងគេ តែលោកអ្នកត្រូវយកចិត្តទុកដាក់វាផងដែរ។ អ្នកគប្បីត្រូវថែរក្សា កម្មវិធីរុករករបស់អ្នក ដើម្បីឲ្យវាជួយបំពេញតម្រូវការរបស់លោកអ្នកឲ្យបានរហ័ស ទាន់ចិត្ត។ :D
វិធីសាស្ត្រ ៤យ៉ាង ដើម្បីឲ្យកម្មវិធីរុករករបស់អ្នកដំណើរការលឿន
Reviewed by អ៊ុំ ច័ន្ទសានិត
on
February 08, 2014
Rating:
Reviewed by អ៊ុំ ច័ន្ទសានិត
on
February 08, 2014
Rating:
No comments