តាមពិតទៅ ការដាក់រូបភាពស្អាតៗ និងប្លែកៗ នៅលើ Desktop នៃកុំព្យូទ័ររបស់អ្នក គឺជាការទាក់ទាញអារម្មណ៍មួយ សម្រាប់អ្នកប្រើប្រាស់កុំព្យូទ័រ។ វាមិនមែនសម្រាប់ឲ្យអ្នកដ៏ទៃមើលនោះទេ តែសម្រាប់យើង ដែលជាអ្នកប្រើប្រាស់កុំព្យូទ័រ និងដើម្បីឲ្យយើងមានកម្លាំងចិត្តក្នុងការធ្វើកិច្ចការនានានៅលើកុំព្យូទ័រ។ ផ្ទាំងរូបភាពអាចមានជារូបសត្វ, ទីក្រុង និងទេសភាពនានាជាដើមផងដែរ។
បន្តមកនេះ ខ្ញុំនឹងណែនាំលោកអ្នកនូវគេហទំព័រចំនួន៥ ដែលអនុញ្ញាតឲ្យលោកអ្នកអាចទាញយករូបភាព (HD) បានយ៉ាងងាយស្រួល ហើយស្អាតៗថែមទៀតផង។ មិនតែប៉ុណ្ណោះវាបានទាំងផ្ដល់ជាជម្រើសដល់យើងផងដែរ ក្នុងការជ្រើសយកនូវទំហំរូបភាពតាមដែលយើងចង់បាន។
1/-
WALLPAPERSWIDE អាចនិយាយបានថា វាជាគេហទំព័រដែលខ្ញុំចូលចិត្ត និងស្គាល់មុនគេបង្អស់ ក្នុងចំណោមគេហទំព័រទាំង៥ នេះ។ វាបានផ្ដល់រូបភាពដ៏ល្អជាច្រើន ដែលលោកអ្នកគួរតែមើល។
2/-
Vladstudio Vladstudio បានប្រមូលផ្ដុំដោយរូបភាពក្រាហ្វិកជាច្រើន ដែលភាគច្រើនជាប្រភេទរូប 2D និង 3D។ សម្រាប់អ្នកដែលប្រើប្រាស់ប្រព័ន្ធប្រតិបត្តិការណ៍ Linux គឺល្អបំផុតសម្រាប់ពួកគេ។
3/-
Wallpapersnow Wallpapersnow ក៏ជាគេហទំព័រមួយមិនធម្មតាដែរ ព្រោះបានផ្ដល់នូវរូបភាពសម្រាប់ផ្ទៃតុយ៉ាងស្អាតៗ ហើយថែមទាំងមានជាចំណាត់ក្រុមរូបភាពទៅតាមប្រភេទរបស់វាថែមទៀតផង។
4/-
WALLPAPER GANG WALLPAPER GANG ក៏មិនសូវខុសគ្នាអំពី WALLPAPERSWIDE ប៉ុន្មានដែរ គឺផ្ទុករូបភាពទៅតាមប្រភេទរបស់វា និងអាចទាញយករូបភាពជា Original បានយ៉ាងងាយស្រួល។
5/-
Picky Wallpapers Picky Wallpapers បានផ្ទុកនូវរូបភាពជាច្រើន និងឥតគិតថ្លៃ។ យើងអាចរកបានសម្រាប់ឧបករណ៍ដ៏ពេញនិយមជាច្រើនដែលមានដូចជា ៖ Apple iPhone, iPad / iPad2, iPod, Sony Playstation Portable, Nokia, Samsung, Sony Ericsson, Blackberry, HTC... ។
*** ខាងលើនេះ សុទ្ធតែជាគេហទំព័រល្បីៗ និងមានអត្ថប្រយោជន៍ចំពោះលោកអ្នក។
Reviewed by អ៊ុំ ច័ន្ទសានិត
on
March 21, 2015
Rating:
អរគុណស្រើន :)
ReplyDelete