គេហទំព័រ​ផ្លូវ​ការ របស់​ក្រុម​អ្នក​រចនា​ពុម្ព​អក្សរ​ខ្មែរ

   លោក​អ្នក​ធ្លាប់​បាន​ស្គាល់​ជា​យូរ​មក​ហើយ​នូវ​ក្រុម​អ្នក​រចនា​ពុម្ព​អក្សរ​ខ្មែរ តាម​រយៈ​បណ្ដាញ​សង្គម ហ្វេសប៊ុក។ ក្រុម​អ្នក​រចនា​ពុម្ព​អក្សរ​ខ្មែរ​មាន​គោល​បំណង​ជា​ចំបង​ធំៗ ដូច​ជា​ការ​ចែក​រំលែក​នូវ​ពុម្ព​អក្សរ​យូនី​កូដ​ខ្មែរ​ថ្មី ដែល​រចនា​ដោយ​យុវជន​ខ្មែរ និង​បង្ហាញ​ពីពុម្ព​អក្សរ​ចាស់ៗ ដែល​មាន​នៅ​តាម​សៀវ​ភៅ​សរសេរ ឬ​សៀវ​ភៅ របស់​រដ្ឋ​ជំនាន់​មុនៗ យូ​រមក​ហើយ មក​រចនា​កែ​ប្រែ​ជា​ពុម្ព​យូនីកូដ ដើម្បី​បំពេញ​តម្រូវ​ការ​របស់​មនុស្ស​ជាតិ។ លើស​ពី​នេះ​ទៀត អ្នក​រចនា​អក្សរ​ខ្មែរ​ទាំង​អស់ ក៏​មាន​ទំនាក់​ទំនង​គ្នា​យ៉ាង​ជិត​ស្និទ្ធិ ក្នុង​ការ​ចែក​រំលែក ឬ​រៀន​ពី​គ្នា​ទៅ​វិញ​ទៅ​មក។ អ្នក​ដែល​ចាប់​ផ្ដើម​បង្កើត​ក្រុម​នេះ​ជា​លើក​ដំបូង​មាន ដូច​ជា លោក ឆួយ ប៊ុន​សុខ​ហេង លោក​ នៅ​ សំណាង និង​សមា​ជិក​មួយ​ចំនួន​ទៀត ដែល​ខ្ញុំ​មិន​បាន​ដឹង។

   នៅ​លើ​ទំព័រ​ហ្វេសប៊ុក ក្រុម​អ្នក​រចនា​ពុម្ព​អក្សរ​ខ្មែរ មាន​ក្រុម​ផ្លូវ​ការ​មួយ​ដែល​មាន​ឈ្មោះ​ថា "ក្រុម​អ្នក​រចនា​ពុម្ព​អក្សរ​ខ្មែរ Khmer Font Designer Group"។ លោក​អ្នក​ដែល​ចង់​រៀន​រចនា ឬ​ចែក​រំលែក​ម៉ូត​អក្សរ​ខ្មែរ​ថ្មីៗ អាច​ចូល​រួម​ជា​មួយ​ក្រុម​នេះ​បាន។ ក្រុម​អ្នក​រចនា ពុម្ពអក្សរ​ខ្មែរ ក៏​មាន​ទំព័រ (Page) មួយ​ផង​ដែរ ដែល​មាន​ឈ្មោះ​ថា "ពុម្ពអក្សរខ្មែរ Khmer Font" ហើយ​មក​ដល់​នឹង​ពេល​នេះ មាន​អ្នក​ Like ចំនួន 22,539 likes ហើយ។

   អ្វី​ដែល​លើស​ពី​នេះ​ទៅ​ទៀត​នោះ បង ហេង ក៏​បាន​បង្កើត នូវ​វេបសាយ​មួយ សម្រាប់​ក្រុម​អ្នក​​អក្សរ​រចនា​អក្សរ​ខ្មែរ ផង​ដែរ។ លោក​អ្នក​អាច​ចូល​មើល​រាល់​ប្រវត្តិ និង​ពត៌​មាន​របស់​អ្នក​រចនា​ពុម្ព​អក្សរ​ខ្មែរ​បាន នៅ​លើ​នោះ និង​អាច​ទាញ​យក​រាល់​ពុម្ព​អក្សរ​ខ្មែរ​ទាំង​ចាស់ ទាំង​ថ្មី​ផង​ដែរ។ អា​ស័យ​ដ្ឋាន​ "khmerfonts.blogspot.com"។ សូម​លោក​អ្នក​ជួយ​គាំ​ទ្រ ដើម្បី​ជា​ការ​លើក​ទឹក​ចិត្ត​ដល់​អ្នក​រចនា​ពុម្ពអក្សរ​ខ្មែរ​ទាំង​អស់​ ដើម្បី​បន្ត​ការ​រចនា​អក្សរ​ខ្មែរ ឲ្យ​កាន់​តែ​សម្បូរ​បែប។ :)