បម្លែង​ឯកសារ PDF និង​រូប​ភាព ទៅ​ជា​អត្ថបទ ដោយ​ប្រើ Google Drive

   មាន​កម្មវិធី​ច្រើន​ដែរ​ដែល​អាច​បម្លែង​ឯកសារ​ជា PDF និង​រូប​ភាព ទៅ​ជា អត្ថបទ (Text) ធម្មតា។ ប៉ុន្តែ តើ​មាន​កម្មវិធី​ចំនួន​ប៉ុន្មាន​ដែល​ផ្ដល់​ឲ្យ​អ្នក​ប្រើ​ដោយ​មិន​គិត​ថ្លៃ??? យ៉ាង​ណា​ក្ដី សម្រាប់ Google Drive បាន​ផ្ដល់​មុខ​ងារ​មួយ ដែល​លោក​អ្នក​មិន​បាន​ចាប់​អារម្មណ៍។ Google Drive បាន​ផ្ដល់​នូវ​កម្មវិធី OCR មួយ ដោយ​មិន​គិត​ថ្លៃ ហើយ​លោក​អ្នក​អាច​ប្រើ​ប្រាស់​វា​ក្នុង​ទិដ្ឋភាព បម្លែង​ពី​អត្ថបទ ឬ រូប​ភាព​ទៅ​ជា អត្ថបទ​ (Text) ធម្មតា​វិញ ក្នុង​គុណភាព​កម្រិត​ខ្ពស់​បំផុត។ :D

៙ របៀប​បម្លែង​ឯកសារ PDF ទៅ​ជា​អត្ថបទ ដោយ​ប្រើ Google Drive​ ៖ 
- កត់ត្រា​ចូល​ (Log In) ​ក្នុង​គណនី​ Google Drive របស់​លោក​អ្នក​​ជា​មុន​សិន។
- ​បន្ទាប់​មក សូម Upload ឯក​សារ PDF ណា​មួយ ដែល​លោក​អ្នក​ចង់​បម្លែង ដោយ​ចូល​ទៅ​កាន់ ៖
New >> File upload.

- ពេល Upload ឯកសារ PDF ណា​មួយ​ហើយ សូម​ចុច​កូន​កណ្ដុរ​ (ម៉ៅ) ស្ដាំ នៅ​លើ​ឯកសារ​នោះ ហើយ​ជ្រើស​យក​ជម្រើស ៖ Open with >> Google Docs

- ដោយ​គ្រាន់​តែ​លោក​អ្នក បើក​វា​ជា​មួយ Google Docs, ឯកសារ​របស់​លោក​អ្នក​នឹងបម្លែង​រួច​ជា​ស្រេច។ សូម​មើល​លទ្ធ​ផល ដែល​ខ្ញុំ​បម្លែង​ឯកសារ PDF ខាង​ក្រោម ៖

៙ របៀប​បម្លែង​ឯកសាររូបភាព Image ទៅ​ជា​អត្ថបទ ដោយ​ប្រើ Google Drive​ ៖ 
- ​សូម Upload ឯក​សារ Image ណា​មួយ ដែល​លោក​អ្នក​ចង់​បម្លែង ដោយ​ចូល​ទៅ​កាន់ ៖
New >> File upload.
- ហើយ​ចុច​បើ​វា​ជា​មួយ​នឹង Google Docs ដូច​គ្នា (ដូច​ខាង​លើ)។
- ពេល​នោះ វា​នឹង​ចាប់​ផ្ដើម​ដំណើរ​ការ​បម្លែង ដោយ​បង្កើត​ជា​ឯកសារ​ថ្មី​ដោយ​ស្វ័យ​ប្រវត្តិ​តែ​ម្ដង។

*** ខាង​លើ​នេះ ជា​លទ្ធ​ផល​ដែល​ទទួល​បាន។
*** យើង​ឃើញ​ថា លទ្ធផល​ដែល​ទទួល​បាន គឺ​ត្រឹម​ត្រូវ​ទាំង​អស់។
៙ ចំណាំ ៖
- សម្រាប់​អក្សរ​ខ្មែរ ពុំ​ទាន់​អាច​ធ្វើ​បាន​ទេ។
- រូប​ភាព​នៃ​ឯកសារ​របស់​អ្នក គួរ​តែ​មាន​ទំហំ​តូច​ជាង 2 MB។
- អត្ថបទ​ដែល​បម្លែង​ចេញ​មក អាច​នឹង​មាន​កំហុស​ឆ្គង, ដូច​នេះ​សូម​ពិនិត្យ​មើល​វា​ឡើង​វិញ មុន​នឹង​យក​ទៅ​ប្រើ​ប្រាស់​នៅ​កន្លែង​ផ្សេង​ទៀត។