ពុម្ពអក្សរ​យូនីកូដ​ខ្មែរ ឌីជីថល​នីនចា រចនា​ដោយ​ លោក ឆួយ ប៊ុន​សុខហេង

   លោក​អ្នក​បាន​ស្គាល់​ហើយ​នូវ លោក​ ឆួយ ប៊ុន​សុខហេង ដែល​ជា​ម្ចាស់​ប្លុក​​ពុម្ពអក្សរ​ខ្មែរ និង​ជា​​ម្ចាស់​ទំព័រ ពុម្ពអក្សរ​ខ្មែរ។ កាល​ពី​ម្សិល​មិញ​គាត់​បាន​ផ្សាយ​នូវ​ពុម្ពអក្សរ​យូនីកូដ ម៉ូត​ប្លែក​ថ្មី​មួយ​ទៀត​ហើយ ដែល​មាន​ឈ្មោះ​ថា អាយ​កម្ពុជា០០៣ ឌីជីថល នីនចា។ ពុម្ពអក្សរ​នេះ មាន​រូប​រាង​ប្លែកៗ​ជាង​ពុម្ព​ណាៗ​ទាំង​អស់ ហើយ​សក្តិសម សម្រាប់​លោក​អ្នក​ដែល​យក​ទៅ​សរសេរ​លើ គម្រប​សៀវ​ភៅ, ចំណង​ជើង​ចម្រៀង, ចំណង​ជើង​រូប​ភាព​ជា​ដើម។

   តើ​លោក​អ្នក​មាន​ឆ្ងល់​ដែរ​ទេ!!! ហេតុ​អ្វី​បាន​ជា លោក​យក​ឈ្មោះ​ថា​នីន​ចា? តើ​ពុម្ពអក្សរ​នេះ មាន​ប្រវត្តិ​សាស្ត្រ​ដូច​ម្ដេច បាន​ជា​កើត​មាន​រូប​រាង​អក្សរ​នេះ​ឡើង? សូម​ចូល​អាន​ការ​បក​ស្រាយ​របស់គាត់​នៅ​លើ​ប្លុក អាយ​កម្ពុជា ដែល​ខ្ញុំ​បាន​ដក​ស្រង់​ចេញ​ទាំង​ស្រុង​ខាង​ក្រោម ៖
=================================>

   អក្សរខ្មែរ​ឌីជីថល​នីនចា (ikampuchea003_Digital_Ninja) គឺ​ជា​តួ​អក្សរ​អង់គ្លេស​មួយ​បែប​ដែល​មើល​ទៅ​គួរ​ឲ្យ​ចាប់​អារម្មណ៍ និង​មាន​រូប​រាង​ប្លែក​ផង​ដែរ ហើយ​ឈ្មោះ​ដើម​ពុម្ព​អក្សរ​នេះ គឺ Quikijiki Digital Ninja ដែល​បាន​រចនា​ដោយ Quiccs ជា​តួ​អក្សរ​អង់គ្លេស ទើប​ខ្ញុំបាន​យក​ម៉ូដ​ពុម្ព​អក្សរ​នេះ​មក​កែ​ប្រែ ធ្វើ និង​បង្កើត​ជា​ពុម្ព​អក្សរ​ខ្មែរ​យូនីកូដ​វិញ។

   អក្សរ​ខ្មែរ​នីន​ចានេះ ខ្ញុំ​បាន​បង្កើត​តាំង​ពី​ចុង​ឆ្នាំ២០១៤ ហើយ​ខ្ញុំ​ទើប​តែ​កែ សម្រួល​ឡើង​វិញ ទំហំ កំពស់ និង​គម្លាត​របស់​វា​ឡើង​វិញ​ទាំងអស់...។

   ថ្ងៃ​នេះ​ខ្ញុំ​សូម​ចែក​ជូន​នូវ​ពុម្ព​អក្សរ​ខ្មែរ​យូនី​កូដ​លើក​ទី២​នេះ​សម្រាប់​យក​ប្រើប្រាស់​ទៅ​តាម​តម្រូវ​ការ​ មួយ​​ចំនួន​​ដូច​ជាការ​បន្ថែម​អក្សរ​រចនា​លើ​រូបភាព ធ្វើក្របសៀវភៅ និង​ខិត​បណ្ណ័ជា​ដើម...

   អាច​ប្រើ​ប្រាស់​បាន​លើ Microsoft Office, Photoshop CS4, CS5, CS6 ... កាល​បរិច្ឆេទ​ផលិត ២០ សីហា ២០១៤ សូម​ទាញ​យក​នៅ​ខាង​ក្រោម និង​ប្រើ​ប្រាស់​ដោយ​រីករាយ។ ខ្ញុំ​បើក​ចំហរ​ចិត្ត​រាល់​ការ​រិះគុណ​របស់​បង​ប្អូន ដើម្បី​កែ​ប្រែ​រាល់​កំហុស​​ឆ្គង​ដែល​មាន។

ចុច​ទីនេះ ដើម្បី​ទាញ​យក​ពុម្ពអក្សរ ikampuchea003_Digital_Ninja